Bon jour mon cœur, bon jour ma douce vie

Pierre de Ronsard

Bon jour mon cœur, bon jour ma douce vie

Les Amours, Texte établi par Hugues Vaganay, Garnier, 1923, 2 (p. 74-75).

CHANSON

Bon jour mon cœur, bon jour ma douce vie,
Bon jour mon œil, bon jour ma chere amie :
Hé bon jour ma toute belle,
Ma mignardise bon jour,
Mes delices, mon amour.
Mon doux printemps, ma douce fleur nouvelle,
Mon doux plaisir, ma douce colombelle,
Mon passereau, ma gente tourterelle,
Bon jour ma douce rebelle.
Je veux mourir, si plus on me reproche
Que mon service est plus froid qu’une roche
T’abandonnant, ma maistresse,
Pour aller suyvre le Roy,
Mendiant je ne sçay quoy,

Que le vulgaire appelle une largesse.
Plustost perisse honneur, court, et richesse,
Que pour les biens jamais je te relaisse,
Ma douce et belle Déesse.