En verrai ge jamais la fin,
De voz œuvres, Merancolie ?
Quand au soir de vous me deslie
Vous me ratachez au matin.
J'aimasse mieulx autre voisin
Que vous qui sy fort me guerrie ;
En verrai ge jamais la fin,
De voz œuvres, Merancolie ?
Vers moy venez en larrecin
Et me robez Plaisance lie ;
Suis je destiné en ma vie
D'estre tousjours en tel hutin ?
En verrai ge jamais la fin ?
Escollier de Merencolie
La bibliothèque libre.
