La Fèsto di Flour a Toulon
1904
- Oh ! siès bèn bello, Margarido !
Ta labro, facho pèr l’amour,
Coume uno roso a fa flourido ;
Mai perqué, dins teis uei, de plour ?
E la fiheto ennivoulido
A fa respouenso emé doulour :
- Ai ! las ! nàni, siéu pas poulido ;
Siéu pas tan bello qu’uno flour…
Iéu diguèri à la vierginello :
- Pèr ti prouva que siès plus bello
Qu’uno flour souto lou soulèu,
Ah, vène, emé iéu, à la fèsto
Facho pèr lei flour ; sus ma tèsto,
Gagnaras la joio, lèu, lèu !
