Les Œuvres/À monseigneur le marquis d’Ancre
DE CONCHINE DES COMTES DE LA PENE, MARQUIS D’ANCRE,
PREMIER GENTILHOMME DE LA CHAMBRE DU ROY,
LIEUTENANT POUR SA MAJESTE EN PICARDIE,
GOUVERNEUR D’AMIENS, PERONNE, MONTDIDIER, ROYE, ETC.
Ceux à qui les victoires donnoient des coronnes de laurier, voyant que c’estoit la condition des hommes de rendre le tribut à la mort, et que le cours des années renversoit les Empires, et couvroit d’oubly la gloire des plus braves, pour rendre leur valeur immortelle, et triumpher du temps aussi bien que de leurs ennemis, ils en confacroient les despouilles aux temples des Dieux, comme à ceux qui font loy au changement des saisons, et qui demeurent toufiours ei mesme estat. Ainsi pour faire voir aux siecles à venir que celle qu’Amour me commande de seruir est l’unique soleil de beauté, dont les attraits victorieux triumphent de tout le monde : Je voue ce tableau de mes affections, et des appas de ma belle au temple de vostre gloire, qui feule peut empescher que l’injure du temps n’en ternisse les couleurs. Je sçay bien que l’offrande est indigne d’un autel si relevé ; mais, quoy ! les sacrifices n’esgalent jamais la grandeur des Dieux. Recevez donc s’il vous plaist, Monseigneur, ces premier traicts de ma plume, attendant que le Ciel face naistre quelque occasion, en laquelle vous puissiez mieux recognoistre l’affection de,
