Page:Œuvres complètes de François Villon.djvu/021

[modifier] CY COMMENCE LE GRANT TESTAMENT DE FRANCOIS VILLON FAIT EN 1461

En l'an trentiesme de mon aage,

Que toutes mes hontes j'eu beues,

Ne du tout fol, ne du tout sage.

Nonobstant maintes peines eues,

Lesquelles j'ay toutes receues

Soubz la main Thibault d'Aussigny.

S'evesque il est, seignant les rues,

Qu'il soit le mien je le regny!

II.

Mon seigneur n'est, ne mon evesque;

Soubz luy ne tiens, s'il n'est en friche;

Foy ne luy doy, ne hommage avecque;

Je ne suis son serf ne sa biche.

Peu m'a d'une petite miche

Et de froide eau, tout ung este.