Page:Anonyme - La Mort Aymeri de Narbonne.djvu/120

La bibliothèque libre.
Le texte de cette page a été corrigé et est conforme au fac-similé.
63
la mort aymeri de narbonne
LX[1]

Quant Aymeris vit lo feu angoissos
Qui fu ardanz, bruianz et doleros ;
Deu reclama par ses saintismes nons :
« Glorios pere, qui feïstes lo mont,
1445« Et en la Virje preïs anoncion,
« Nestre deignas por raenbre lo mont,
« Lo ber saint Pere meïs en pré Noiron
« Et convertis saint Pol son conpaignon,
« Jonas jetas del ventre du poisson
1450« Et garesis Daniel del lion,
« La Madelaine feïstes lo pardon,
« Quant herberjas dedenz l’ostel Simon,
« Et a vos piez se mist a jenoillons ;
« Iluec plora par bone entencion,
1455« Ses vos lava entor et environ,
« Vos l’en levastes amont soz lo menton ;
« De son servise ot molt bon guerredon,
« Qu’ele est lasus en ta grant mansion ;
« A Moises passas la mer sanz pont
1460« Que n’i queïst ne chalant ne noton
« Quant tu noias lo pueple Faraon ;
« Flueve Jordain feïs issir des fonz,

  1. LX. D rime en on. — 1441 C Danz A. — 1442 A B omis. — 1443 A B le pere glorious, D son saintisme non. — 1444-6 C omis. — 1449 A a un p., D salvas el v., C omis et le suivant. — 1450 D Et Daniel en la fosse au l. — 1451 C Et a Marie, A B Et M. — 1452 C omis, D en l’ostel saint S. — 1453 A B A vos .ii. p... a oroison, C A vos biax p. — 1454 C omis. — 1455 A B Si vos l. les piez tot e., D Si vos l. — 1456 A B omis, C sire par lo m. — 1457 A B ot ele g., C li rendis g. — 1458 C omis, A B En ces sains cieux et en ta m. — 1459 A B O M., D Et m. — 1460 A B n’i quesis, C Que cil q. — 1461 A B Quant convertis. — 1462 A B de f.