son sçeu, donna a Mr le Grand, quy le porta sur son chapeau en courant, ce que je fis voir au roy.
Le ballet de la reine se dansa le premier dimanche de caresme[1], quy fut le plus beau, et le dernier aussy, de tous ceux qu’elle a dansés : apres quoy le roy s’en alla a Fontainebleau.
Je demeuray a Paris, ou il arriva un accident quy m’apporta un peu de scandale. Un escuier de la reine, Italien, nommé Camillo Simoni, estoit logé en une petite rue quy est devant la Monnoie, tirant vers Saint-Germain, au coin de laquelle, devant la porte de la dite Monnoie, madame d’Antragues estoit logée en une maison picottée. Cet escuier Camille aymoit son hostesse ; et, ayant trouvé un jeune homme couché avesques elle, luy ou ses gens, luy donnerent forces coups d’espée, et le mirent en chemise hors du logis, et la grandeur de ses blessures ne luy permirent pas de faire cinquante pas sans mourir, tombant au dessous des fenestres de la chambre d’Antragues. Quelqu’un, passant la nuit, et voyant ce corps mort, creut que c’estoit moy, a cause du lieu ou il estoit, et vint battre a la porte de mon logis, disant que l’on m’avoit assassiné au logis de madame d’Antragues, et puis jetté par la fenestre, et que mes gens allassent, ou me secourir promptement sy j’estois encore en vie, ou m’emporter sy j’estois mort. Par hasard j’estois sorty de mon logis, desguisé, pour aller voir une dame ; ce quy leur confirma tellement cette opinion qu’ils cou-
- ↑ Le 8 mars.
Gas-, comte de Coligny, seigneur de Chastillon, amiral de France, et de Charlotte de Laval, mourut le 27 janvier 1632.
