Page:Bassompierre - Journal de ma vie, 2.djvu/433

La bibliothèque libre.
Le texte de cette page a été corrigé et est conforme au fac-similé.
429
appendice.

sement des leurs par d’autres voyes ; du costé ou estoit logé led. duc d’Angoulesme ils firent la teste de leur armée, d’où a la fille ils firent desbander quinze cens hommes qui gaignerent Lomber et de la passans par des lieux inaccessibles pour la cauallerie se rendirent dans St Anthonin, ce que je sceus a l’instant et commençay a donner ordre qu’ils ne peussent se jetter dans Montauban ; de faict apres auoir gaigné une forest distante d’une lieue de la ville, ils n’oserent tenter le hazard et par diuerses fois ils ont esté contraincts de regagner leur fort, ce qui leur estoit facille a cause de l’assiette du pays ; mais en fin vaincus par la necessité, portez d’un courage temeraire, ils sont partis ceste nuict et ayant passé par des lieux qu’ils auoient faict recognoistre et ou il estoit impossible de faire garde, ils s’estoient coulez jusques aupres de mon camp ; la ils commencerent a croire d’estre a sauueté, mais les retranchemens les ayant obligés a se preparer a les forcer, ils ont esté descouuerts et ont si viuement esté repoussés que quatre ou cinq cens sont demeurés sur la place, le reste a pris la fuitte, la pluspart blessez, quelques ungs pourtant au nombre de soixante ou quatre vingts, par les costez de ceux qui les combatoient, se sont jettez dans les fossés de la ville, les hommes de commandement restez sur la place, pris, blessés ou tués, et forse de leurs drapeaux. En ceste deffaicte et action il se peut cognoistre ce que je vous ay dit de la prouidence de Dieu qui aussy a fortifié le courage aux miens qui y ont fait merueille et notamment le sr de Bassompierre, le coronnel et les Suisses et le regiment de Normandie qui ont hardiment soustenu et chargé. De ceste bonne nouuelle j’ay pensé qu’il estoit a propos de vous faire part, d’ou vous en pourrez encores esperer une meilleure qui sera en bref de la prise de la ville. Du depuis trois cens qui s’en estoient fuys et qui se rassembloient ont esté rencontrés par le comte d’Ayen et deffaicts, et leurs chefs pris, Beaufort qui estoit le chef de tous et celuy qui commandoit dans St Anthonin, qui auoit charge d’une partie, ont esté de ceux qui sont restéz prisonniers des le matin. Vous pourrez faire part de ce que je vous mande a ceulx que vous congnoissez affectionnez au bien de mon seruice, affin qu’ils participent a ma joye, priant Dieu qu’il vous ayt, Monsr de Nouailles, en sa