LA BELLE MAGUELONNE.
en icelle ville de Trapana, car devant qu'il feust guéri il y demoura neuf mois et encores ne fut il pas bien guery de tout.
Et un jour comme Pierre s'en alloit esbatre devers la marine il va voir au port une fort nef qui deschargeoit 5 marchandises. Et les ^mariniers parloient le langage de Provence et il entendit qu'ils estoient de son pays et alla demander a un d'eux quant s'en retourneroit la nef, et il luy dit que dedans deux jours. Et Pierre vint au patron et luy va prier pour dieu qu'il luy 10 pleust de le porter es parties de Provence, car il estoit un povre homme dudit pays et avoit esté illec longuement malade et ne pouvoit guérir. Et lors le patron va dire que pour l'honneur de dieu et pour l'amour du pays il le feroit volentiers, mais qu'il 15 vouloit aller en Aiguesmortes ou en l'isle du port sarrasin, et Pierre en fut content. Et ainsi ils le recueillirent en la nef et la nef fut preste de partir et firent voile pour eux en venir, et eurent bon temps.
Un jour les compagnons de la barque parloient 20 de la beaulté de l'église de saint Pierre de Mague- lonne et de l'hospital. Quant Pierre ouit nommer Maguelonne il fut fort esbahy et alla demander quelle église c'estoit et ou elle estoit. Et ils luy allèrent dire que c'estoit une moult dévote et sainte église et 25 qu'elle estoit en l'isle du port sarrasin ou il y avoit un moult bel hospital auquel dieu et monseigneur
��* f. 163^.
�� �
