LA BELLE MAGUELONNE.
ro}'. Et messire Henry va ferir le chevalier sur le heaulme tant qu'il le renversa sur les hanches de son cheval et rompit sa lance et la lance du chevalier tomba entre les jambes du cheval de messire Henry, tant que le cheval de force tomba a terre. Pourquoy 5 les amis du chevalier du roy disoient que messire Henry estoit tombé *de bonne jouste, de laquelle chose fut courroucé ledit messire Henry et ne voulut plus jouster.
Apres le héraut va crier que s'il y avoit nul 10 chevalier qui voulsist jouster, qu'il se mist au champ de par le roy. Et quant Pierre ouyt le commande- ment du roy il se mit au champ et vint a rencontre de celuy chevalier qui disoit qu'il avoit tombé messire Henry. Et le noble Pierre, qui estoit courroucé contre 15 luy, car il luy sembloit qu'il tenoit tort au chevalier estranger, comme fort chevalier et appris en armes, l'alla frapper de telle vertu qu'il mit chevalier et cheval a terre, pourquoy furent tous esmerveillés du coup.
Et le roy dit que celuy chevalier estoit de grant 20 prouesse et de grant vertu et voulut savoir qui il estoit et de quel pays. Et luy manda son héraut, auquel Pierre respondit: ,,Vous direz au roy qu'il ne luy desplaise de ne savoir mon nom, car j'ay voué de ne le point dire. Mais dites luy que je suis un povre 25 chevalier françois qui cherche le monde pour voir les belles dames et damoiselles et pour conquester honneur
��f. 121.
9
�� �
