LA BELLE MAGUELONNE.
meilleurs coups. Et alla commander le roy qu'ils changeassent de chevaux s'ils vouloient, et que tour- nassent aux joustes affin que l'on seust a qui demouroit l'honneur. Lesquels firent incontinent le commandement du roy et furent prestement a cheval. Il ne faut ja 5 dire si alors la douce Maguelonne prioit dieu de piteux cueur que luy gardast son doux amy Pierre de mal et que luy donnast honneur en celle journée.
Quant les chevaliers furent retournés au champ de ceste seconde fois, en laquelle chacun desiroit avoir 10 honneur, s'en allèrent de telle rencontre ferir que Pierre rompit le bras a Lancelot et le mist a terre de si grant coup que le roy et tous cuidoient qu'il fust mort, et ses gens l'emportèrent en son logis.
Apres vint a rencontre de Pierre Antoine de Sa- 15 voye lequel n'estoit pas de si grant force comme Lancelot et légèrement alla par terre. *Et après cestuy va venir messire Jacques de Provence, oncle de Pierre. Et Pierre le cognoissoit bien, mais il ne cognoissoit pas Pierre. Et quant Pierre vit que son 20 oncle, frère de son père, s'appareilloit de venir contre luy il luy alla mander par le héraut: „Dites au chevalier qui veut jouster a moy qu'il m'a fait autre- fois plaisir en armes et en chevalerie dont je luy suis grandement tenu et ne luy voudroie faire desplaisir 25 et que je luy prie que la jouste de luy et de moy cesse, car je suis content de confesser devant
��41
�� �
