Page:Biedermann La Belle Maguelonne.djvu/64

La bibliothèque libre.
Cette page n’a pas encore été corrigée

LA BELLE MAGUELONNE.

ainsi chacun s'en alla disner et désarmer. Mais le roy fist crier que tous les chevaliers venissent disner a la court et la recueilleroit le roy tous ceux qui y viendroient et les festoieroit hautement.

5 Quant Pierre fut venu et eut fait la révérence au roy. le roy devant tous s'en alla contre luy l'embrasser et luy dit: „Mon chevalier et amy, je vous mercie l'honneur que vous m'avez fait aujourduy, car je puis bien dire qu'il n'y a aujourduy roy ne prince au

10 monde qui en sa court ait m.eilleur chevalier ne plus courtois que j'ay en vous. Et n'est ja besoin que je vous loue, car vos euvres mesmes le tesmognent et mesmes tous ces nobles princes et barons qui sont en ceste compagnie. Je prie a dieu qu'il vous donne parvenir

15 a vos bons désirs et acroissement de bien et d'honneur, car vous en * estes digne".

Grandement le honora le roy en celuy jour et si firent tous les autres chevaliers, car chacun se tenoit bien heureux qui le pouvoit tenir et solacer avec luy.

20 Et aussy ne se pouvoient saouler de le regarder, tant estoit beau et bien fourny de tous ses membres. Sa chair estoit blanche comme lis, les yeux vairs et amoureux, ses cheveux roux comme l'or, pourquoy disoient tous que bien avoit mis dieu toutes les vertus en iceluy

25 jeune chevalier entièrement que les autres avoient en partie. Car il estoit beau, fort, habile et humble, et bien heureuse estoit la mère qui avoit porté tant noble fruit.

��* f. 139^.

44

�� �