Page:Biedermann La Belle Maguelonne.djvu/84

La bibliothèque libre.
Cette page n’a pas encore été corrigée

elle monta a moult grant peine. Et illec elle de- meura toute la nuit, de paour que les bestes sauvages ne la dévorassent. Mais de toute la nuit ne dormit ne resposa, mais une fois plouroit, autrefois pensoit

5 que pouvoit estre devenu son loyal amy Pierre. Et puis disoit en soy mesmes, qu’elle pourroit faire ne ou elle iroit, car bien proposoit en son cueur que Jamais ne retourneroit en l’ostel de son père si elle s’en pouvoit garder, et elle concluoit en son cueur

10 d’aller chercher son amy Pierre par le monde.

COMMENT MAGUELONNE CHANGE SON HABILLE- MENT EN CELUY D’UNE PAUVRE PELERINE AFFIN QUE NE FUST COGNUE.

  • Quant vint le jour elle descendit de l’arbre et s’en

15 vint là ou estoient les chevaux qui estoient encores liés. Et elle, tout en plourant, les commença a des- lier, disant ainsi: „Comme je pense que vostre maistre s’est perdu et pour moy va errant par le monde, ainsi veux je que alliez errans et perdus là ou vous voudrez 20 aller." Et leur leva les brides et selles, et les laissa aller par le bois là ou ils vouloient aller. Et après se mist a cheminer par le bois tant qu’elle trouva le grant chemin qui va de Naples a Rome. Et quant elle se vit au chemin qui va de Naples a Rome, elle 25 s’en retourna prestement dedans le bois et chercha

  • f. 150