faut il pas pourtant qu'il entre au cerueau des hommes qu'il y ait iniquité5 en Dieu, comme faisoit Manes Persan chef des Manicheans, lequel pour euiter, comme il disoit, l'absurdité que le mal vint de Dieu, s'il confessoit qu'il eust creé Sathan maling par nature: ny pareillement que Dieu eust creé Sathan en perfection, qui par consequent ne pouuoit pecher, (commeil disoit) ne degenerer en nature maligne, and peruerse: posa deux principes egaux en puissance and origine: l'vn principe de bien, l'autre du mal: qui est la plus detestable Heresie, qui fut onques, and de laquelle Sainct Augustin s'est departy, disãt que le mal n'est que priuation de bien: ce que tient aussi le plus grand Theologien d'entre les Hebrieux Rabi Maymon qui allegue pour fortifier son dire le passage de faye où il dit, Ego Dominus faciens bonum and creans malum, faciens lucem and creans tenebras. Or les tenebres ne sont que priuation de lumiere: and la creation est de rien. Ce qui toutesfois n'a pas contenté ceux qui tiennent que les vices sont habitudes: aussi bien que les vertus, and que les vnes aussi bien que les autres s'acquierent par actions and dispositions. Mais tous les argumens des Manicheans sont tranchez par la racine, si on prend garde, qu'il n'y a rien en ce monde qui ne soit bon, comme dict Dionysius au liure de diuinis nominibus: Tout ainsi que Dieu a faict des plantes qui portent poizons aux vns, and medecine aux autres: Et mesmes les Serpens and viperes, que les Manicheans disoyent estre les creatures du Diable, seruent à composer la plus excellente medecine, qui pour ceste cause est appellee theriaque -notes- 5Iob 37. Page 59
