Ce que i’ay éprouué depuis peu, en cherchant la cauſe de ce Phainomene* duquel vous m’écriuez ; car il y a plus de deux mois* qu’vn de mes amis m’en a fait voir icy vne deſcription aſſez ample, & m’en ayant 5 demandé mon auis, il m’a fallu interrompre ce que i’auois en main*, pour examiner par ordre tous les Meteores, auparauant que ie m’y ſois pû ſatisfaire. Mais ie penſe maintenant en pouuoir rendre quelque raiſon, & ſuis reſolu d’en faire vn petit Traitté* qui 10 contiendra la raiſon des couleurs de l’Arc-en-Ciel, leſquelles m’ont donné plus de peine que tout le reſte, & generalement de tous les Phainomenes ſublunaires. C’eſt ce qui m’auoit donné occaſion de vous demander particulierement la deſcription que vous auiez du 15 Phainomene de Rome, pour ſçauoir ſi elle s’accordoit auec celle que i’ay veuë, & i’y trouue cette difference, que vous dites qu’il a eſté veu à Tiuoli*, & l’autre dit à Freſcati, qu’il nomme Tuſculum en latin. Ie vous prie de me mander ſi vous ſçauez aſſurément qu’il ait 20 paru à Tiuoli, & comment ce lieu là ſe dit en latin ; i’auray bien loiſir d’attendre vos lettres, car ie n’ay pas encore commencé à eſcrire, & ie ne me haſte pas. Au reſte ie vous prie de n’en parler à perſonne du monde ; car i’ay reſolu de l’expoſer en public, comme 25 vn échantillon de ma Philoſophie, & d’eſtre caché derriere le tableau pour écouter ce qu’on en dira. C’eſt
1 en cherchant] pour trouuer. 3 deux] trois. — 10 la raiſon] l’explication. — 14 auiez du] auez de ce. — 15 de Rome omis. — 16 i’ay] i’auois. — 17 et] ce que. — dit] ne dit pas,
- mais bien. — 20 lieu] nom — latin], car ie ne le ſçay pas ; mais aj. — 22 eſcrire] l’écrire. — et ie ne me haſte pas omis. — 25-26 d’eſtre… écouter] latere post tabellam, afin de voir.
