l’Inuention des Lunettes. Et pour les objections de l’artiſan dont vous m’écriuez, elles ſont ridicules, & témoignent vne ignorance tres-grande, en ce qu’il ſuppoſe que le diametre des verres, pour les plus 5 longues lunettes, n’a pas beſoin d’eſtre plus grand que de deux ou trois doigts ; au lieu qu’elles ſeront d’autant meilleures, qu’on les pourra faire plus grands. Mais ie ne ſçay ſi ie dois deſirer que M. le Cardinal y faſſe trauailler ſuiuant mon deſſein : car 10 qui que ce ſoit qui y trauaille ſans ma direction, i’apprehende qu’il n’y reüſſiſſe pas du premier coup, & peut-eſtre que pour s’excuſer il m’en attribuëra la faute. I’auois donné vn liure à M. de Ch(arnacé) pour M. le Cardinal ; mais ſa mort eſtant depuis interunuë 15, ie ne ſçay s’il l’a enuoyé ou non[1].
Ie ne trouue pas eſtrange que M. Mydorge ne ſoit pas d’accord auec moy en pluſieurs choſes de ce que i’écris de la Viſion, car c’eſt vne matiere qu’il a cy-deuant beaucoup eſtudiée[2], & n’ayant pas ſuiuy les 20 meſmes principes que moy, il doit auoir pris d’autres opinions ; mais i’eſpere que plus il examinera mes raiſons, plus elles le ſatisferont ; & il a l’eſprit trop bon, pour ne ſe rendre pas du coſté de la vérité. Ie ne ferois nulle difficulté de luy enuoyer ma vieille 25 Algebre, ſinon que c’eſt vn écrit qui ne me ſemble pas meriter d’eſtre vû ; & pource qu’il n’y a perſonne que ie ſçache | qui en ait de copie, ie ſeray bien aiſe qu’il ne ſorte plus d’entre mes mains[3] ; mais s’il veut
