Cette page n’a pas encore été corrigée
veulent que la loy de ne manger point de pourceau ne leur fut donnée qu’à cause qu’ils avoient adoré cest animal, mais pourquoy n’ont-ils pas asseuré de mesme que ce peuple avoit adoré les Lapins, les Lievres, les Chameaux, Austruches, & Corbeaux, puis qu’il leur estoit aussi deffendu d’en manger?
3. Disons donc que ce sont pures calomnies, ou bien opinions fantasques, fondees sur ce que les Juifs s’abstenoient si religieusement de la chair de cest animal, suivant le precepte qui leur en fut donné pour les esloigner de la lepre, qui leur estoit d’ailleurs assez familiere, & voila le commencement de la fable. Pour le Cep d’or, & les honneurs qu’on dit qu’ils rendoient à Bacchus, je
