Page:La Fontaine - Œuvres complètes - Tome 4.djvu/13
Qui n’en sort qu’à regret est tout prest d’y rentrer.
Tay-toy, j’entends du bruit ; quelqu’un sort de chez elle.
Que vous faites bon guet !
Si c’estoit ma cruelle ?
Déja vostre, bons Dieux !
Ah !
Retenez vos pleurs.
Je sçay qu’elle est perfide, et je l’ayme, et je meurs,
Et je me sens mourir, et n’y vois nul remede,
Et craindrois d’en trouver, tant l’amour me possede.
L’aveu me semble franc, libre, net, ingenu.
Tu vois en peu de mots mes sentiments à nu.
Si je les voyois seul, encor seriez-vous sage ;
Mais cette femme en voit autant ou davantage,
Et connoist vostre mal ; non pas pour vous guerir.
Je ne vois rien d’aisé comme d’en discourir ;
Mais si tu ressentois une semblable peine,
Peut-estre verrois-tu ta prudence estre vaine.
Au moins, s’il faut souffrir, endurez doucement,
