Page:La Fontaine - Œuvres complètes - Tome 4.djvu/50
Ne tient-il point à moy que nous n’allions dîner ?
Ne plaise aux Dieux, Gnaton, qu’on ait telle pensée.
Je ne vous en vois point pour cela plus pressée.
Allons, si tu le veux.
Scène 4
Parmenon
Un mot auparavant.
Nous voicy, grâce aux Dieux, aussi prests que devant :
Je dîneray demain, s’il plaist à la fortune.
Fay vîte, Parmenon, ta harangue importune.
Mon maistre, par vostre ordre absent de ce sejour,
Avecque ce present vous offre le bon jour.
Je ne veux point passer la loy qui m’est prescrite,
Ny parler de ses pleurs quand il faut qu’il vous quitte :
De vous-mesme à son mal vous pouvez compatir,
Et le croire affligé sans l’avoir veu partir.
Faisant un don plus riche, il eust eu plus de joye.
Mais au moins de bon cœur croyez qu’il vous l’envoye.
Le present peut passer.
