Cette page a été validée par deux contributeurs.
Toutes ſortes de maux. Si Dom Courſier vouloit
Ne point celer ſa maladie,
Luy Loup gratis le gueriroit.
Car le voir en cette prairie
Paiſtre ainſi ſans eſtre lié,
Témoignoit quelque mal, ſelon la Medecine.
J’ay, dit la Beſte chevaline,
Une apoſtume ſous le pied.
Mon fils, dit le Docteur, il n’eſt point de partie
Suſceptible de tant de maux.
J’ay l’honneur de ſervir Noſſeigneurs les Chevaux,
Et fais auſſi la Chirurgie.
Mon galand ne ſongeoit qu’à bien prendre ſon temps,
Afin de haper ſon malade.
