Page:Marco Polo - Le Devisement du monde, 1556.djvu/21

Cette page a été validée par deux contributeurs.

L I V R E   P R E M I E R
DES   REGIONS   DE
L’INDE ORIENTALE.

L’entreprinse du voyage de Nicolas & Matthieu
Paules, freres Venetiens.
Chapitre     I.

Lors que Bauldoyn Prince Chrestien tant fameux & renommé tenoit l’Empire de Constantinople, assavoir en l’an de l’incarnation de nostre Saulveur mil deux cens soixante & neuf, deux nobles & prudens citoyens de Venise, extraictz de la noble & ancienne lignée des Paules, apres avoir chargé un navire de diverses marchandises, d’un commun accord s’embarquerent & partirent de Venise, ayans choisy le vent à gré, & soubz ceste heureuse conduyte de Dieu passerent la mer myterraine, de laquelle entrans par les destroictz du Bosphore de Thrace, parvindrent à Constantinople, auquel lieu ilz sejournerent quelque peu de temps pour se rafreschir, en apres desancrerent, & de rechef firent voile en la mer Euxine, tellement qu’ilz vindrent surgir à un havre d’Armenie, appellé Soldade, ou ilz prin-