Page:Saint-Gelais - Oeuvres de luy tant en composition que translation ou allusion aux auteurs grecs et latins, 1547.djvu/4
La bibliothèque libre.
Le texte de cette page a été corrigé et est conforme au fac-similé.
Epitaphe de la Belette d’une Damoiselle.
Oubz ceſte menus herbelette
Giſt la plus gentille Belette
Et la mieulx faiſant son debuoir
Que Damoiselle euſt ſceu avoir :
Car aussi toſt qu’elle fut prinſe
Elle devint ſi bien apprinſe
Qu’à fouir oncques ne taſcha,
Parquoy point on ne l’attacha :
Mais eut liberté & loiſir
D’aller par tout à ſon plaiſir.
Il n’y avoit chambre, ne tour,
Ou le jour ne fiſt quelque tour.
De là s’en alloit aux Vergiers,
Et bien ſouvent par les Bergiers
Fut veue en ces foreſtz prochaines
Viſitant grans Olmes, & Cheſnes
Veoir ſi quelque nid, ou couvée
Seroit point par elle trouvée.
Ainsi ça & là tracaſſoit
Tandis que le jour paſſoitz
Mais gueres il ne luy advint
Qu’à ſoupper elle ne revint.
Et lors à sa maipstreſſe çhere
Faiſoit une ſi bonne chere.
