Et le cœur agité par quelque grand deſſein,
Esbranle malgré ſoy la bouche avec le ſein.
Non, ma fille, elle court à ſon heure derniere,
Et ſans qu’elle le ſçache, on la tient priſonniere :
I’ay corrompu ſes gens, dont l’eſcorte ſans foy
La garde iour & nuit non de moy, mais pour moy ;
Et ſes plus confidents que mon eſpargne arreſte,
À mes pieds ſi ie veux apporteront ſa teſte :
Mais ie la flatte afin que ſon Arreſt fatal,
Quand il la ſurprendra luy faſſe plus de mal.
Scène II
Seigneur, il eſt iugé ; quand on a leu ta lettre,
Sans que pour luy perſonne ayt oſé s’entremettre,
Comme ſi ſon mal-heur eſtoit contagieux
Chacun de ſon viſage a détourné les yeux ;
Ce puiſſant Sejanus, ſi grand, ſi craint naguiere,
Cette Divinité du noble & du vulgaire,
