Le Mespris de la vie et consolation contre la mort/« J’ay voulu voyager, à la fin le voyage »
Le Mespris de la vie et consolation contre la mort
CCCLXXXI.
J’ay voulu voyager, à la fin le voyage
M’a fait en ma maison mal content retirer
En mon estude seul j’ay voulu demeurer,
En fin la solitude a causé mon dommage
J’ay volu naviguer, en fin le navigage
Entre vie & trespas m’a fait desesperer
J’ay voulu pour plaisir la terre labourer
En fin j’ay mesprisé l’estat du labourage
J’ay voulu pratiquer la science & les ars
En fin je n’ay rien sceu, j’ay couru le hasars
Des combas carnaciers, la guerre ore m’offence
O imbecillité de l’esprit curieus
Qui mescontent de tout de tout est desireus,
Et douteus n’a de rien parfaite connoissance.