Le Mespris de la vie et consolation contre la mort/« La terre, comme il semble, immobile et solide »
Le Mespris de la vie et consolation contre la mort
CXI.
La terre, comme il semble, immobile & solide
A souvent englouti meinte belle Cité,
L'air, duquel nous vivons, meintefois infecté
Nous abandonne & livre à la mort homicide :
Le boire & le manger, trop glout & trop avide
Nous oste meintefois la vie & la santé :
Le jeune trop estroit trop souvent repeté
Au sepulchre muet souvente-fois nous guide ;
Helas ! l'homme n'est point si tost homme nommé
Qu'il ne soit de sa mort avertis & sommé,
Ce mot d'homme & mortel est de mesme sustance.
Prier donc le Seigneur qu'il nous veuille eslougner
Du trespas impourveu, n'est-ce pas condamner
Devant sa majesté son peu de prevoyance ?