Rondeaux (Christine de Pisan)/IX
IX
Bel a mes yeulx, et bon a mon avis,
Trés assouvi de grace et de tout bien.
Digne d’onneur, plaisant sur toute rien,
Estes m’amour sur touz a mon devis.
Jeune, gentil, gent de corps et de vis,
Sage, humble et doulz, de gracieux maintien,
Bel a mes yeulx, et bon a mon avis.
Et quant veoir je vous puis vis a vis
J’ay tel plaisir, dont vous estes tout mien,
Qu’en ce monde plus ne vouldroie rien ;
Car vous estes sur tous, je vous plevis,
Bel a mes yeulx, et bon a mon avis.