Rondeaux (Christine de Pisan)/XI

Christine de Pisan

De triste cuer chanter joyeusement

Rondeaux, Texte établi par Maurice Roy, Firmin Didot, 1886 (p. 153-154).

XI

DE triste cuer chanter joyeusement
Et rire en dueil c’est chose fort a faire,^[1]
De son penser monstrer tout le contraire,^[2]
N’yssir doulz ris de doulent sentement,

Ainsi me fault faire communement,
Et me convient, pour celer mon affaire.
De triste cuer chanter joyeusement.

Car en mon cuer porte couvertement
Le dueil qui soit qui plus me puet desplaire,
Et si me fault, pour les gens faire taire,
Rire en plorant et trés amerement
De triste cuer chanter joyeusement.

1. XI. — 2 A¹ est c. — B c. forte a. f.
2. — 2 et 3 intervertis dans A²