Rondeaux (Christine de Pisan)/XLIX
XLIX
Vous en pourriez exillier
Un millier
Des amans par vo doulz oeil,
Plains d’esveil,[1]
Qui ont fait maint fretillier
Et veillier.
Je m’en sens plus que ne sueil[2]
Et m’en dueil.
Belle, qui bien traveillier
Et pillier
Savez cuers a vostre vueil,[3]
En recueil[4]
Vous en pourriez exillier.
Mais bien sçavez pou baillier[5]
Et taillier
Moins de Joye et plus de dueil
Sur le sueil,[6]
Pour musars entortillier,
Conseillier,
Par vostre attraiant acueil[7]
Sans orgueil[8]
Vous en pourriez exillier.