Rondeaux (Christine de Pisan)/XX

Christine de Pisan

Sage maintien, parement de beauté

Rondeaux, Texte établi par Maurice Roy, Firmin Didot, 1886 (p. 159).

XX

Sage maintien, parement de beauté,
Assis en corps digne de grant louenge,
Cuer ferme et vray, qui nulle heure ne change,
En celle maint en qui j’ay feaulté.^[1]

Trés grant honneur, grant grace et leaulté^[2]
Si la conduit et nulle heure n’estrange,
Sage maintien, parement de beauté.
 
Cuer noble et hault sanz raim de cruauté,
Humilité qui nullui ne laidenge,
Et assez a la belle comme un ange,
Pour gouverner une grant royaulté,
Sage maintien, parement de beauté.

1. XX. — 4 A Et c. m. a q.
2. — 5 B T. haulte h. g. g. et loyauté