| ◄ Laisse CCCCLXXI | Laisse CCCCLXXII | Laisse CCCCLXXIII ► |
CCCCLXXII
Chalastes voit son frere gesir mort a la tere :
Ne devois merveiler se grant duel an puet fere.
Lors maleïst François qe tot volent conquere ;
De sa gient se depart com quarel qe dessere,
En nostre gient se fiert por la vençance quere
E fiert un sodoier qe fu nez d’Engeltere ;
Mort l’abati a tere : ne vos sai plus retreire.
« Par foi », ce dist Hestous, « celui colp me feit gere ;
« Mon compagnons m’ais mort, Saracins filz de lere ;
« Se ne le pués vangier, ne me pris une here ».