| ◄ Laisse CCCXCVI | Laisse CCCXCVII | Laisse CCCXCVIII ► |
CCCXCVII[1]
Irez fu l’enperere, coroçous et despers ;
Ses homes voit fuïr, s’an devient paile e pers.
Son olifant bondist, dunt tentisent desers.
Mais François s’an fuïrent, glatiscant come cers ;
Le plus ardiz de toz vousist estre as aubers.
Dunc percuet Balegant le lor partir divers.
« Arier », feit il, « tornuns, si lors mostrons li fers ;
« Aperceüs me sui sconfiz sunt cels culvers. »
Mout pleisi l’Augalie quant ha oïz le vers.
Lor sunt tot les fuans au retorner ofers ;
Trestoz le plus coars de bien ferir s’ahers.
Se Damediex n’en panse el barons saint Albers,
De Frans non estordrunt encui ni frans ni sers.