L’entrée d’Espagne/Laisse CXXXIII

La bibliothèque libre.
◄   Laisse CXXXII Laisse CXXXIII Laisse CXXXIV   ►
CXXXIII[1]

Al trestorner que fist le duc Rollant
Le Paiens crie autamant en oiant :
« Crois me tu donque fuïr sifetemant
3295« E moi oncir por aler guencisant ?
— Voir », dist le duc, « se Diex le moi consant ;
« Tu ne pués vivre de ice jors en avant.
« E d’une riens esta seüremant :
« Volu m’ais prandre par ton afeitemant ;
3300« Plus non avras leisir a ton vivant ;
« Garderai moi de toi, mon esciant. »
De ce fu mout le Saracins dolant ;
Prover voldra s’il dit voir tant ni quant,
Cort vers le duc, en sa main le bon brant.
3305Le ber le voit venir ireemant,
Vers la cité se mis a pas herant,
A une montée s’areste mantenant.
Quant de vantaje se voit le duc alquant,
— Il fu en aut e celui al pendant —
3310Aysi se mist a descendre corant

Con feit falcon quant sor meslart s’estant.
64 bLe fer Paiens s’i est mist al devant,
Par soi defandre mist l’espee en botant ;
Mais hanc le duc non laisa par itant ;
3315Cil colp non prise la montance d’un gant,
Sor son eschu le recuet noblemant
E de s’espee le fiert en trepasant
Amont en l’aume, nel feit mie en gabant :
Le cercle trance e l’acer ensemant ;
3320Trosqu’en la cofie veit le colp desendant.
Por le trepas q’il a feit en corant,
L’espee en trait e de l’eschu l’enpant ;
Tot estordiz outre son mautalant
Cheit le Paiens lez la roche tenant.
3325Le duc pase outre Monjoie rescriant,
Car ne puet mie arester tant ni quant.
Crïent François, Angeïns e Normant :
« Ay ! jantils duc, cil fu colp avenant.
« Bien remembras dou duc Milon d’Anglant,
3330« Ton jantil piere, qe tant par fu valant ;
« Miaudre de lui ne fu a son vivant. »


◄   Laisse CXXXII Laisse CXXXIII Laisse CXXXIV   ►
  1. — 3293 euoiãt — 3295 guentisant — 3298 sta — 3299 Voliz. — 3311 meslait — 3313 defrandre, borant — 3314 paritã — 3322 Lespee entroit — 3327 augeins