L’entrée d’Espagne/Laisse DCXXXIV

La bibliothèque libre.
◄   Laisse DCXXXIII Laisse DCXXXIV Laisse DCXXXV   ►
DCXXXIV[1]

Or sont enz le remite li dui ensanble entré ;
14750Rendue fu le crois e le pont sus levé.
En un petit enclostre, foilus si come pré,
284 aA il l’ermite a lui nostre duch amené ;
Iluech deceint son brant, son hiaume a deslacé.
Le viel home s’asist, e Rolant a son lé.
14755Les pieus qe les ols cluit a o ses mains levé.
« Amis », dit il, « or dites, de qeil tere estes né ?
« Comant venistes ça ? Qi vos i a gïé ?
« Q’en cestu leu sovaje, .lxxx. an passé,
« Non li vi ni senti nus hon crestïené,
14760« Fors solement vos cors, qi jantils sanble asé.
« Espeir q’il vos amaint divine volunté
« Por qoi avant la mort me voie acontanté
« D’un Crestïen veoir, envers Deu souploié ».
E le duch respondi a ce q’il fu rové ;

14765Ses non le a il dit e ses ancïené,
Son per e son aiol e Karles a nomé
Qui rois estoit de Rome e dou François regné ;
Conte lui com il a en Rome dignité,
Car senator estoit de cil pueble clamé.
14770Dist li comant il sont in Espagne lojé
Li baron Cristïen, qe tut i sont croisé ;
De la prise de Noble e dou roi corocé
Con le feri dou guant i dist la verité,
E con il passa mer e com s’en est torné,
14775Le ensir de la nef, l’entrer dou bos ramé,
E de son compagnon qe li avoient tüé
Li Païn dou desert q’avoient encontré,
E con avoit les dous dedenz ou val laisé,
Q’ancor l’atendeient de paor engonbré.
14780Quant le hermite l’oï, si l’en prent grant pieté.


◄   Laisse DCXXXIII Laisse DCXXXIV Laisse DCXXXV   ►
  1. — 14751 Enõ p. — 14753 ade (égratignure) ace  14759 home — 14762 acontance — 14763 sõploie. — 14765 Ses enõ leađit eses antiene — 14770 in Spagne — 14775 leu trer — 14776 thue — 14777 Li ꝑdit — 14778 dede enz ou u. loise — 14779 Qãt cor — 14780 heremite