| ◄ Laisse DXXXV | Laisse DXXXVI | Laisse DXXXVII ► |
DXXXVI[1]
Oï avés comant li dui vasal
Sunt enguajei de bateile campal
E menacei cum enemi mortal.
Le dus Rolant remis ou trief real,
Environ lui mant baron principal ;
Por man le tient le fil a l’amiral.
E Pelias s’en revient autretal
Il e ses oncles, le vellart desloial,
Davant lor trief, par desoz un onbral
D’une cortine qe fu d’un cler cendal ;
Luec furent aporté les armes por ingal
Et amené le bien corant cival.
Iluec s’adobe le Paien criminal.