Iconologie (Cesare Ripa, 1643)/I/Vie longue
Vie longve. LXX.
A figure eſt celle d’vne vieille Femme veſtuë à l’antique ;
qui de la main droite s’appuye ſur la teſte
d’vn Cerf, & tient de la gauche vne Corneille.
Par ſa vieille robe eſt demonſtrée la reuolution qui s’eſt faite de pluſieurs annes qu’elle veuës : Et par le Cerf, ſa Lib. 8. c. 32. longue durée ; Car cét animal, au rapport de Pline, vit plus de 300. ans, comme il ſe prouue vray ſemblablement par l’Hiſtoire, qui dit, Qu’Agathocles Tyran de Syracuſe eſtant à la chaſſe tua vn Cerf, qui auoit vn collier où eſtoient eſcrits ces mots, Diomedes Artemides. Mais nos Annales font foy de bien plus recente memoire, Que Charles ſixieſme eſtant en la foreſt de Senlis en prit vn autre, dont le collier de bronze doré auoit pour inſcription ces paroles, Hoc Cæsar me donavit ; Ce qui fait voir aſſez clairement combien eſt longue la vie des Cerfs, ſoit que la Nature, comme diſent quelque-vns, leur ait appris l’art de ſe rajeunir, où qu’elle meſme ait voulu, Que par vne grace particuliere leur aage s’eſtendit plus loin que celuy des hommes des ſiecles modernes.
Mais afin que les ſeuls Quadrupedes n’euſſent pas cét aduantage, elle a voulu le donner auſſi aux Volatils, principalement à la Corneille, qui vit encore plus long-temps que ne le fait le Cerf : d’où vient qu’elle eſt appellée des Latins, Annoſa ; Et voila pourquoy nous en auons mis vne en la main gauche de cette figure.