Iconologie (Cesare Ripa, 1643)/II/Magnanimité

Cesare Ripa

Iconologie où les principales choses qui peuvent tomber dans la pensée touchant les Vices et les Vertus sont représentées sous diverses figures

Traduction par Jean Baudoin.
1643 (p. 132-133).

Magnanimité.

VOicy la vraye grandeur de Courage, que cette Dame majeſtueuſe nous repreſente. Elle eſt richemẽt veſtuë, pour monſtrer que les richeſſes ſont iuſtement deuës à ceux qui en vſent noblement, & voila pourquoy on luy donne auſſi la Corne d’Abondance. Quant à la Couronne Imperiale, & au Sceptre qu’elle tient en main, l’vn ſignifie le genereux deſſein que l’on a de faire du bien, & l’autre la puiſſance de l’executer, qui ſont deux choſes ſans leſquelles il eſt impoſſible d’exercer la Magnanimité. Que ſi elle eſt aſſiſe ſur vn Lion, c’eſt pource que le Lion, Roy des Animaux, eſt vn ſymbole de cette Vertu, qui eſt Reine auſſi de toutes les autres.

---