Iconologie (Cesare Ripa, 1643)/II/Ignorance

Cesare Ripa

Iconologie où les principales choses qui peuvent tomber dans la pensée touchant les Vices et les Vertus sont représentées sous diverses figures

Traduction par Jean Baudoin.
1643 (p. 160).

Ignorance.

LEs Grecs la repreſentoient comme vous la voyez icy par la Figure d’vn Enfant tout nud, qui a les yeux bandez ; & qui monté ſur vn Aſne, qui a les yeux bandez ; & qui monté ſur vn Aſne, en tient le Licol d’vne main, & vne Canne de l’autre. L’Enfance & la Nudité ſignifient que l’Ignorant n’a non plus d’eſprit qu’vn Enfant, & qu’il eſt deſnué de toute ſorte de connoiſſances. Et dautant que l’Ignorance n’eſt nullement clairvoyante, mais ſtupide & fragile au poſſible, toutes ces choſes enſemble ſont denotées, par le Bandeau qui couure les yeux de cét Enfant, comme encore par l’Aſne ſur qui il eſt monté, & par la Canne qu’il porte.