L’autrier trobei tras un fogier
L’autrier trobei tras un fogier
un croille ab dos enfauz mes
en un leit ab dos cures
e.l nuirissa, un chat nier.
aqest ostals fo d’un parier,
Cumunal, qu’i vei deschazer ;
e quant lui vi, cuidei vezer
tu, lait veill iuglar lainier.
8. lais.
Cel, s’es paubres, mal no l’en mier,
q’ieu no.ill tulc ren mas las pares
e.l moli donrendia ses
al paire d’en Poisson Gaifier ;
qe.n dis un tal enuich l’autrier,
donmen, qe no.m dis point de ver ;
mas no.s pode mal dir tener.
an vos los maiors colps q’el fier !
Eu no m’apel ges Olivier
ni Rôthlan, qe q’el se.n dises ;
mas valer los cre maintas ves,
quant cossir deleis q’eu enquer ;
e non sai el mon cavalier
q’eu adoncs no l crezes valer ;
e volria tal fieu aver
a partir regisme o enpier.