L’entrée d’Espagne/Laisse CCCCI

La bibliothèque libre.
◄   Laisse CCCC Laisse CCCCI Laisse CCCCII   ►
CCCCI[1]

Tot droit a cele hore, ce mostre le Romans,
Qe Saracins furent en la ville dedans,
Rois e princeps e dux, les petit e le grans,
9320A celui point meïsmes asalirent nos Frans.
Non soiés pais, seignors, de ce mereveillans,
Car por ce q’il fusent por cel jor asailans
As portes de la ville, ce fu un color vans,
Car de prandre la ville non furent pais creans,
9325Mais ce fu por mostrer q’il n’ont estez fuans,
Por engigner Paiens qe non erent dotans.
A cil asaut lor font uns merveilos ahans :
Droitemant berserent e trerent cels Flamans,
Non leirent descovrir nus nun fust repentans,

9330Plus de .c. en ferirent ou en vis ou en mans ;
Li crinels gerpirent trestoz le plus autans.
183 bAtant ec vos Grandonie et son oncle Estorgans,
Turqise l’amirafle : ces qatre erent portans.
Quatre mil Espanois, çaschuns lances sor mans,
9335Les segirent dareire. Aprés vient Balegans,
Falsiruns, l’Augalie, Malçaris, Ysorans,
Estroiz par une vie, iriez come serpans,
Lor gleives et lor lances sor destre manoians.
Contre rois Anibal n’ensirent meis Romans
9340Si fier come cestor le jor vers Cristians.
Grailes, timbres, tambors, nacres et oliphans
Font soner devant eus, dont furent mesceans,
Qe François oïrent ja lor seront proçans :
De l’asaut partirent, si tornent vers le plans.


◄   Laisse CCCC Laisse CCCCI Laisse CCCCII   ►
  1. — 9318 Qe de la uille furent et u. d. — 9320 mesmes a. uos f. — 9321 merueillans — 9323 uaus — 9325 mostre qi uõt — 9326 paiens & n. herent d. — 9327 ãsaut, ahaus — 9328 e tretẽt — 9329 destouir. — 9330 ou euuis — 9332 A. ceuos gradonie — 9333 Le dernier mot ne donne pas de sens ; peut-être y a-t-il une lacune après ce vers — 9336 langalie — 9338 gleuies — 9342 heus d. f. mescreans