| ◄ Laisse CCCCLXII | Laisse CCCCLXIII | Laisse CCCCLXIV ► |
CCCCLXIII[1]
Rollant voit la bataille ou mainte gient perille :
Plus li desire d’estre q’en parfunde eve anguille.
Felidés feit porter el palés de la ville ;
Le mires vont o lui, qel bende e aparille.
Rollant vient a l’estors, la persone nobille,
Armez el bon destriers noire come cornille.
Asez plus d’un arpant de davant les .x. mille
La prese a derumpue ; en la greignor s’afille
E fiert un Espagnois qe fu nez de Sibille :
La broine lui falsa tres par mié l’anbelille,
La cars e la büelle lui trance et desparille,
Mort l’abati a tere, s’an treit l’aste vermille.
« Outre ! glotons », fet il, « qe mal vos don san Gille !
« Jameis non tornerois a vestre roi Marsille
« Ne jameis non irois en France a feir esille. »