| ◄ Laisse CCCLX | Laisse CCCLXI | Laisse CCCLXII ► |
CCCLXI[1]
Cariuns oit grant joie quant voit les Dariens
E cels de Valestrançe porprendre les terrens
Les penuns desploiez, qe de collor sunt tens,
E les arciers devant, çascuns ars Surïens ;
Ancor bondist le corn, s’a feit torner les siens.
Gundelbuef le Frixons les garde e conuit biens
Che malvase oferande lor portent a lor mens.
A Gaenelons le conte envoia Gallïens,
Se tost ne les secort qu’encui seront au mens.
Dont broce Gondelbuef, irez come serpens :
Tel quatre mil en meine qu’uns ne fu tars ni lens.