L’entrée d’Espagne/Laisse CCCLXXXIX

La bibliothèque libre.
◄   Laisse CCCLXXXVIII Laisse CCCLXXXIX Laisse CCCXC   ►
CCCLXXXIX[1]

François s’aresterent devant le guez parfunt.
9085Hestous e dan Gerard a Oliver s’an vunt.
« Jantil duc de bon aire », ce dist Gerard le cunt,
« Tu qe des feiz Rollant seis plus d’ome dou munt,

« Di nous de ceste gient qeil part il alerunt.
« Comant avuns lasiez li rois a si greu pont ? »
9090Oliver respondi : « Nun croi qe noir ni blunt
« Sace la volanté au conte de Clermunt.
« Ne vos en sai respondre ; mal feit qi m’en s emunt.
— Par saint Jaqes l’apostre », Hestous ce li respont,
« Se ne sai ou cestor e moi cevalcerunt
9095« E le conte de Blavie le voir non m’an respont,
« Hestous non li venra, si Jesus bien me dunt.
« E qi an fara autre, soit pendus contremunt ! »
Adunc broce Olivers le destrés de Çaumunt,
Rollant prent, si le treit soz un aubre reont ;
9100Ja oirois le parler qe l’uns l’autre ferunt.


◄   Laisse CCCLXXXVIII Laisse CCCLXXXIX Laisse CCCXC   ►
  1. — 9084 le giez — 9085 gerad. — 9088 cest g. — 9090 uoir — 9095 Cle conte — 9097 E qi anfam — 9098 destres