L’entrée d’Espagne/Laisse CCCXLIV

La bibliothèque libre.
Sauter à la navigation Sauter à la recherche
◄   Laisse CCCXLIII Laisse CCCXLIV Laisse CCCXLV   ►
CCCXLIV[1]

8085Aprés se drice l’amiral Fauseron,
Chi tient Nobie, ou les gens noires son.
Cum orguelos comance sa raxon ;
Il prant sa barbe e dit : « Por ce grenon,
« Augalie sire, cist conseil ne prendrons,
8090« Car li contraire aveç dit dou plus bon.
« Ancor je di che se nos le faison
« Si cum vos dites, ch’en tot perduç avon.
« Bien vos en sai demostrer la caison :
« Se nostre jent en Navaire envoion
8095« E il le sente Çarles por espion,
« O vint o trente miler de si baron
« Lor poit derier mander a esperon ;
« Si les atainge, jamais nes reveron.
« Por choi devroit des host partir Çarlon ?
8100« Non saveç vos che il i a environ
« Belfroi e lices e grant fosés perfon ?
« Il sunt plu fort che cels de cist dojon.
« De l’autre part, dites de quoi vivron
« Ceans .x. jorn, se nos ne combatron ?
8105« Mauvés secors a la cité doron,
« Ch’en doces jorn tote l’afameron.
« Somes nos donque venuç a la preson
155 b« Por dir a Çarles : « Merci, nos si rendon ? »
« Bien vos sai dir che ce n’est ma entencion,
8110« Mais d’ensir hors demain, a le Diés non.
« Se l’enperer ne ses François trovon,
« Plus aspremant a eus nos mesleiron
« Ch’unque Alixandre non fist envers Poron.

« J’entant de prandre de mon fil vençeson
8115« Qu’il m’ont tolus e mort en traïson.
« De quoi dotomes ? Hui proveç les avon,
« Ensi chaciés cum lou feit le mouton.
« Se vistemant, au maitin, nos ison,
« Nos lor metrons el cors un teil frichon
« Chel plus ardiz vousist estre a Calon.
8120« S’il ensent fors, nos iluech loçeron
« De jor en jor, pués lor assaliron.
« Per Maomet, nos ne s’an parcevron
« Qu’il s’en fuiront une nuit a laron.
« C’est li conseil de nostre garison.
8125« Qu’en dites vos, franch civaler baron ? »
Trestot les autres s’escrïent a un ton :
« De la bataile, biaus sir, nos acordon
« En mort de Çarles et en destrucion,
« En grant honors dou roi Marsilion.
8130« Chi ce dedit, ja n’ait s’arme perdon. »


◄   Laisse CCCXLIII Laisse CCCXLIV Laisse CCCXLV   ►
  1. — 8088 por ce greion — 8089 prenderons — 8090 dit tou plus b. — 8094 nauairi — 8096 Quint o trente — 8099 deuroit il d. — 8103 quoi suuron — 8106 Chen dotes — 8112 as eus. — 8117 cum hom feit — 8119 Che p. a. nousis — 8121 arsaliron — 8123 sen fuirent — 8128 En mor de ç. eded.