| ◄ Laisse DLXXXVIII | Laisse DLXXXIX | Laisse DXC ► |
Pués tornent in le ville, chant il ont fait ensi,
Et sunt trestot le jor deportés et joï.
Au fils le rois Soudan et a Rolant ausi
Cescuns barons, le soir, presenta et oufri.
E chant aparuit l’aube, le duc Rolant perti,
De sages cundusor aveque lui tels si
Que bien savent l’estree et par nuit et par di.
Droit invers Carsidoine ont le zamin genzi ;
De citez in cité furent molt bien servi.
Le costume meiesme, dont vosavés oï
Qu’il mist dedans Monmir, as autre fist ensi,
Que ja non avra honte dou bons roi segnori.
Ains qu’il aüst dou regne tuit li melor esli,
Tant alla que le pois de Gog et Magog vi
Et li dos tronpeor de coubre a or brusti
Que Alexandre fist faire chant Dairons desconfi.
Ne plus non poit aller Rolant, le quens ardi ;
Por uns autres païs arers s’an reverti.
Mais ancois qu’il ait tot sun viage acumpli,
I avra bien esté chatre mois et demi.