Le Mespris de la vie et consolation contre la mort/« Ô grande esmerveillable estrange affection »
Le Mespris de la vie et consolation contre la mort
CXCV.
O grande esmerveillable estrange affection
De nostre Redempteur, dont la mort vengeresse
N'a seulement sauvé nostre ame pecheresse,
Mais reservé le cors à resurrection.
Corruptible jadis, en incorruption
Il ne rescuscitera & semé en foiblesse
Il se relevera en vigueur & proüesse
Tiré pour vivre en gloire hors de confusion
Fait en cors animal la haut il rescuscite
En cors sprirituel, ou joyeus il habite
A l'objet du Seigneur son nom glorifiant.
Ainsi la vie est vive & la mort est mourante,
Car le second Adam fust fait ame vivante
Ainsi que le premier esprit vivifiant.