Le Mespris de la vie et consolation contre la mort/« Allez appas pipeurs, allez plaisirs mondains »
Le Mespris de la vie et consolation contre la mort
CCCCXXXII.
Allez appas pipeurs, allez plaisirs mondains
Allez esbas lascifs, allez folles blandices
Allez jeus importuns, allez vaines delices,
Je n'ay que trop gousté vos dous aigres dedains :
Maintenant je concois de plus chastes desseins,
Et m'estant retire de l'escole des vices
J'embrasse ore les loys & suis les exercices
Que le Pere eternel ordonne aus hommes sains
Je te suis, ô mon Dieu, sonne doncque l'alarme
Sonne quant tu voudras, & comme un bon gendarme
Je combattray la mort dessous ton estandart
Tu es mort le premier & si la mort m'enmeine
C'est le but ou je tens, qui de son capitaine
Suit l'enseigne à regret, est un lasche soldart.