Le Mespris de la vie et consolation contre la mort/« Le payen Cleombrote en soy-mesme excité »
Le Mespris de la vie et consolation contre la mort
CLXVIII.
Le payen Cleombrote en soy-mesme excité
Des escris de Platon, prit une telle enuie
De l'immortalité, qu'il en perdit la vie
De son mouvement seul en mer precipité :
En nous que JESUS-CHRIST de mort à rachetté,
Nous redonnant du ciel la demeure ravie,
Nous aimons tant la chair à la terre asservie
Que nous n'avisons point à l'immortalité.
Tes brebis ô Seigneur, entendent tes paroles
Et te suivent par tout, aussi tu les consoles
Les nombres, & connois, & les eternisant
Tu repouves tous ceus qui pleins de convoitise
Se renommant Chrestiens chomment en paillardise,
Et vont au lieu du ciel la terre courtisant.