Le Miroir des simples âmes
Vous qui en ce livre lirez
Se bien le voulez entendre
Pensez ad ce que vous direz
Car il est fort a comprendre
Humilité vous fault prendre
Qui de science est tresoriere
Et des aultres vertuz la mere.
Theologiens ne aultres clers
Point n’en aurez l’entendement
Tant aiez les engins clers
Se n’y procedez humblement
Et que amor et foy ensement
Vous facent surmonter raison
Qui dames sont de la maison.
Raison mesmes nous tesmoigne
Ou .xiiie. de ce livre
Chappitre, et n’en a vergoigne
Que amor et foy la font vivre
Et d’elles point ne se delivre
Car sur elle ont seigneurie
Par quoy il fault qu’elle s’umilie
Humiliez dont vos sciences
Qui sont de raison fondées
Et mettez toutes voz fiances
En celles qui sont données
D’amor par foy eluminées
Et ainsy comprendrez ce livre
Qui d’amor fait l’ame vivre.
Explicit