LXI. Nos rendrons le ſil Lewelin maintenant & toz les hoſtages de Wales, & les chartres que l'en nos livra en ſeurte de pais.
LXII. Nos ferons a Aliſandre le Rei d’Eſcoce de ſes ſetors & de ſes hoſtages rendre, & de ſes franchiſes, & de la dretture ſolonc la forme que nos frons a nos altres barons d’Engleterre, ſe altrement ne deit eſtre par les chartres que nos avons de ſon pere Willaume, qui fu jadis Reis d’Eſcoce, & co ſera fait par jugement de ſes pers en noſtre cort.
LXIII. Cotes ces coſtumes devant dites & les franchiſes que nos avons otriees a tenir en noſtre regne quant a nos apartient envers les nos, tuit cil de noſtre regne, & clerc & lai devent garder quant a eus apartient envers les lor.
LIV. Et car nos avons otriees totes les choſes devant dites por Deu, & por amandement de noſtre regne, & por mielz plaiſier la deſcorde qui es comanciee entre nos & nos barons: nos voelliant que ces choſes ſeent fermes & eſtables a tos jors, faiſſons
