LE LAY D’AMOUREUSE MERCY.
On parle de richesse et de grant signourie,
D’avoir sens, los, puissance,
Biauté, noble lignîe,
De grant prouesse acquerre, d’onneur, de courtoisie,
Mais qui n’a souffîsance, je di qu’il mendie ;
Car si quanque nature as eureus ottrie,
Et quanqu’il ha au monde, et plus que je ne die,
Seroit à un seul homme comme amis et amie,
S’il ne li souffîsoit, riches ne seroit mie.
Qu’il n’ut mis assevis, pot estre en mendiance ;
Mais quant un petis noms prent en gré sa chevance,
Si qu’elle li souffît, on dist en audience
Qu’il est riches corne est li rois de France.
Si puis par ce prouver qu’avoir ne grant science,
Prouesse, honneur, biauté, lignage ne vaillance,
Nature, n’autre rien du monde n’ont puissance
De faire riche un cuer s’il n’i a souffîsance.
